ამ ბიენალეზე საქართველომ, როგორც მონაწილე ქვეყანამ მხოლოდ ერთი თვით შესძლო საგამოფენო სივრცის დაქირავება. ფაქტია, რომ ნოემბრის ბოლოს, როცა ბიენალე იკეტებოდა, იქ საქართველოს ნასახი არ იყო წარმოდგენილი. მოულოდნელი შეხვედრა ქართულ დამწერლობასთან ციურიხის ფედერალური პოლიტექნიკური უნივერსიტეტის მიერ წარდგენილ პროექტში მით უფრო სასიხარულო აღმოჩნდა – წყალია უფერული, უფორმო, უხმო, უსუნო, უგემური – უსაზღვრო?

არქიტექტურის 13-ე ბიებნალე, რომელიც 2012 წლის 29 აგვისტოდან 27 ნოემრამდე გაგრძელდა,  დევიდ ჩიპერფილდის მიერ იყო კონციპირებული. “ქომონ გრაუნდ” – საერთო სივრცე – იყო გამოფენის სახლწოდება. დევიდ ჩიპერფილდის განმარტებით, მას სურდა იმ “საერთო და საზიარო იდეების ჩვენება, რომლებიც არქიტექტურული კულტურის საფუძველს აყალიბებებნ”. ბიენალეს ოქროს ლომი ცხოვრების მთავარი მიღწევისათვის გადაეცა ალვარო სიზას, ხოლო საუკეთესო ეროვნული მონაწილეობისთვის – იაპონიას, რომლის გამოფენის კურატორი ტოიო იტო იყო.

ბიენალეში მონაწილეობა მიიღო 55 ქვეყანამ. საქართველოს პროექტის, “კულტურული იდენტობა და ინოვაცია ქალაქის კონტექსტში”, კომისარი იყო დავით აბულაძე, კურატორები – ნიკოლოზ აბაშიძე, ნოდარ ამაშუკელი, ბესარიონ ტატიშვილი. ავტორები- ირაკლი აბაშიძე, დიმიტრი შაფაქიძე, ირაკლი შარაშიძე, მერაბ ბოჭოიძე.