თბილისისთვის უჩვეულო ამ აგურის შენობას სოლოლაკის უბანში, შალვა დადიანის ქუჩით ლადო ასათიანის ქუჩის მიმართულებით მოძრაობისას ვხედავთ. ეს არის თბილისის ერთ-ერთი უძველესი სკოლის შენობა, რომელიც 1903-1905 წლებში არქიტექტორ ალექსანდერ ოზეროვის პროექტით აშენდა ქალთა მესამე გიმნაზიისათვის. საუკუნოვანი არსებობის განმავლობაში შენობის ფუნქცია არ შეცვლილა – ახლა ის მეექვსე საავტორო სკოლას ეკუთვნის.  შენობის არქიტექტურა ნეო-გოთიკის* თვალსაჩინო ნიმუშს წარმოადგენს. ჩვენამდე თითქმის უცვლელად მოაღწია ავთენტური არქიტექტურული დეტალების უმრავლესობამ.  2012 წელს დაწყებული სარესტავრაციო სამუშაოები შვეიცარელი არქიტექტორის, თომას კრაიერის პროექტით ხორციელდება.